ချမ်းရဲ

ယခုအခါ ပြည်သူလူထုအကြား ရူးပေါဂိုဏ်းနှင့် ပတ်သက်၍ ကောလဟာလတစ်ခုပျံ့နှံ့လျှက်ရှိသည်။

၎င်းမှာ ရူးပေါဂိုဏ်းမှ သဘာငတိကြီးသည် လွန်ခဲ့သော ၃၀ ရက်နေ့က အေအိုင်ဒီအက်စ်ရောဂါဖြင့် ပြည်သူ့ဆေးရုံတွင် ကွယ်လွန်သွားပြီ ဟူ၍ ဖြစ်သည်။ ထို မဟုတ်မမှန်သတင်းနှင့် ပတ်သက်ပြီး ဘလော့ဂါ ပေါချာရေးနှင့် ဖွံကြောင်မှုကောင်စီ အတင်းရေးမှူး (၃) (လျှောက်ထားဆဲ) ချမ်းရဲမှ အောက်ပါအတိုင်း ရှင်းလင်းပွဲ ပြုလုပ်ခဲ့သည်။

" အဟမ်း... ဒီကနေ့ ပြည်သူလူထုအကြား သဘာငတိကြီး ဂျဲဂျယ်သည် အေအိုင်ဒီအက်စ်ကြီးနှင့် ကွယ်လွန်သွားပြီဟူ၍ ကောလဟာလသတင်းများပေါ်ပေါက်လျှက်ရှိရာ ၄င်းမှာ မမှန်ကန်ကြောင်း ကျွန်တော် အတင်းရေးမှူး ၃ မှ ရှင်းလင်းဖြေကြားသွားမှာ ဖြစ်ပါတယ်။

သဘာငတိကြီး ဂျဲဂျယ်မှာ ၃၀ရက်နေ့ ၁၀လတွင် ပုံမှန်မဟုတ်သော ရင်ဘတ်အောင့်သည့် ရောဂါလက္ခဏာကြောင့် ရန်ကုန်ပြည်သူ့ဆေးရုံတွင် အထူးကု ပါမောက္ခဆရာဝန်ကြီး ပြသရာ ဆရာဝန်များ၏ ဆေးဆစ်ချက်အရ ရင်သားကင်ဆာဖြစ်နေသည်ဟု သိရှိခဲ့ရပါတယ်။ ထိုကိစ္စနှင့်ပတ်သက်ပြီး မဟုတ်မမှန် သတင်းလုပ်ကြံသူများက ချဲ့ကားပြောဆိုကြရင်း သဘာငတိကြီး သေဆုံးသွားသည်ဟူ၍ သတင်းဖြန့်ခဲ့ခြင်းဖြစ်ပါသည်။ ရင်သားကင်ဆာရောဂါမှာလည်း ရင်သားတစ်စုံလုံး လှီးထုတ်လိုက်လျှင် ပျောက်ကင်းနိုင်သည်ဟု နိုင်ငံကျော်ဆရာဝန်ကြီးများက မှတ်ချက်ပြုသောကြောင့် ပြည်သူအများ ပူပန်ရန်မလိုတော့ပါဘူး ခင်ဗျာ။"

ဂျာနယ်လစ်တစ်ယောက်က ၀င်မေးသည်။

"ဒါဆို သဘာငတိကြီး ကိုယ်တိုင် ဒီပွဲကို ဘာလို့ မတက်ရောက်သလဲခင်ဗျ"

" ဂေလမ်းသွား...အဲ..ဒါကတော့ သဘာငတိကြီးဟာ စင်ကာပူနိုင်ငံဝန်ကြီးချုပ်ရဲ့ ဖိတ်ကြားမှုကြောင့် ဖားသားဆန်ပြုတ်သွားစားနေရလို့ပါ။ ပြည်သူများနားလည်ပေးနိုင်မယ်လို့ ထင်ပါတယ်"

ဂျာနယ်လစ်လည်း အူကြောင်ကြောင်ဖြင့် ခေါင်းကုတ်ကာ ခေါင်းတညိတ်ညိတ်လုပ်ပြလိုက်သည်။

သတင်းထောက် မဆုမွန်က ၀င်မေးပြန်သည်။

"ရင်သားကင်ဆာရောဂါဆိုတာ မိန်းကလေးများမှာသာ ဖြစ်ပွားလေ့ရှိတယ်လို့ သိရပါတယ်။ အခု ယောက်ျားလေးမှာဖြစ်တယ်ဆိုတော့ ထူးဆန်းနေလားလို့"

"ဟင်း ဟင်း ဟင်း...."
အတင်းရေးမှူ ၃ ဂုဏ်ယူဝံ့ကြွားစွာပြုံးလိုက်ပြီးမှ

" မိန်းကလေးပြောတာမှန်ပါတယ် ။ ဒါပေမယ့်... အခုအခါ ကမ္ဘာမှာ မဖြစ်စဖူး ယောက်ျားရင်သားကင်ဆာဆိုပြီး မြန်မာနိုင်ငံမှာ စတင်တွေ့ရှိတာဖြစ်ပါတယ်။ ဒါဟာ မြန်မာပြည်အတွက်ရော စစ်ဆေးတွေ့ရှိတဲ့ အထူးကုဆရာတွေအတွက်ပါ ဂုဏ်ယူစရာပါ။ သဘာငတိကြီးဆိုရင် သူ့ကိုသူ ဂုဏ်ယူမဆုံး ဖြစ်ပြီး ရင်သားကိုလှီးဖြစ်ရာမှာ ထုံဆေးတွေ မေ့ဆေးတွေမသုံးတော့ဘူးလို့ ရဲဝံ့စွာပြောကြားပြီးဖြစ်ပါတယ်။
အဲလောက် ယောက်ျားပီသတဲ့ ရင်သားကင်ဆာရောဂါသည်ပါ ခင်ဗျ။ "

"တကတဲ..ယောက်ျားပီသတယ်လည်းဆိုသေး..ရင်သားကင်ဆာတဲ့" လူထုထံမှ မကျေနပ်သံတိုးတိုးလေးထွက်လာသည်။

မဆုမွန်မှ ဆက်လက်မေးမြန်းပြန်သည်။
" ဘယ်ခွဲစိတ်ဆရာဝန်နဲ့ ခွဲစိတ်မှာလဲ ရှင့်"

" ဒီအတွက် ပြည်သူတွေ စိုးရိမ်နေမယ်ဆိုတာ ကျွန်တော်နားလည်ပါတယ် ။ မပူပန်ပါနဲ့ ခင်ဗျ။
ရင်အုံတွေလှီးဖြတ်ရာမှာ စပါယ်ရှယ်လစ်ဖြစ်တဲ့ ကြက်ဘဲဈေးမှ နာမည်ကြီး သားခုတ်သမားကိုယ်တိုင် သားခုတ်ဓားမထက်ထက်နဲ့ လူနာကို ဒေါင်လိုက်လှဲခိုင်းပြီး တစ်ချက်ထဲနဲ့ ခေါင်းကို..အဲလေ.. ရင်နှစ်မွှာကို အပြတ် ခုတ်ဖြတ်မှာဖြစ်ပါတယ်။ ဈာပနာ..အဲလေ...ခွဲစိတ်ခအတွက်ကို ယနေ့လာ သတင်းစာဆရာများ၊ ဂျာနယ်လစ်များမှလည်း စေတနာထက်သန်စွာဖြင့် မနည်းမပါးကို တစ်ယောက်ငါးသိန်းဆီ မဖြစ်မနေ အလှူငွေထည့်ဝင်ပါလို့ ပန်ကြားလိုပါတယ်။ သဘာငတိ အင်အားရှိမှ ရူးပေါဂိုဏ်း အင်အားရှိမည် ဆိုတာကို နားလည်ကြမယ်လို့မျော်လင့်ပါတယ်။ ငှဲ ငှဲ ငှဲ" ဟုဆိုကာ ဘောင်းဘီခါးပတ်မှ သေနတ်ကို ပွတ်ပြလိုက်ပြီး မျက်ခုံးပင့်ပြလိုက်သည်။

"အဟင့်..ကုန်ပြီ ကုန်ပြီ ။ ငါကိုယ်က လျှာရှည်ပြီး ဒီကို အားအားယားယား လာမေးမိတာ ။ ခုတော့ သတင်းကျွတ်ရင် ချစ်ချစ်နဲ့ မဂ်လာဆောင်ဖို့စုထားတဲ့ ပိုက်ဆံ သားခုတ်သမားကိုပေးရတော့မယ်.."

မဆုမွန် အပါအ၀င် အလုပ်မရှိ အလုပ်ရှာ အားယားပြီး ရှင်းလင်းပွဲသို့ တက်ရောက်သူများ မျက်ရည်ရစ်ဝဲ နောင်တအကြီးအကျယ်ရလည်း ဘာမှမပြောရဲဘဲဖြစ်နေရာ တစ်ယောက်ကို ငွေငါးသိန်းစီ ထုတ်ပေးလိုက်ရလေတော့သတည်း။